отшашар

(Огнемет)

жанғыш заттар қоспасын шашу арқылы жақын аралықтағы ұрыста қолданылатын қару. О-дың жұмыс істеуі оқ-дәрінің және жанғыш заттар қоспасының жануынан пайда болған газдардың қысымына негізделген. Ол қарсыластың әскери күшін дала қорғаныстарында, тастан салынған үйлерде, окоптарда, торларда, танкілерде күйдіру үшін қолданылады. Бұл қару – жеңіл (арқаға асып жүретін), ауыр (фугастық) және танкілік (жалынды от шашатын танк) болып бөлінеді. Жеңіл түрі жалғасты сұйыққоймадан тұрады. Оған ұшы бар икемді шланг бекітіледі. Оның оты ондаған метрге жетеді. Ұлы Отан соғысы кезінде РОКС-3 газбаллон қаруын бір жауынгер басқарған. Оның от-жалыны 40 м жерге жетеді. РОКС — 3-тің салмағы 23 кг, ал бір зарядының салмағы 8,5 кг. Бұл қару баллондағы 17 атмосфера қысымымен атылады, бір заряд 8 қысқа немесе қуатты, будақтап ұзаққа созылған 1-2 атыс береді. Танктің О.қ-ына фугасты газ-баллон ФОГ-2 жатады. Оның атысы 100—200 м-ге жетеді. Газ-баллон қаруымен қаруланған танкілер моторландырылған атқыштармен бірге шабуылға шығады немесе қорғаныс кезінде олардың күшін арттыруға қолданылады. Оның міндеттері: басып алған жер мен аудандарға бекініп орналасу, қарсыластың танкі мен жаяу әскерлерінің қарсы шабуылына тойтарыс беру, шабуылға шыққан бөлімдер мен құрамалардың тоғысқан жері мен екі қапталын қамтамасыз ету, танк пен жаяу әскерлерге қарсы ұрыс жүргізу болып табылады.